Velkommen til gudsteneste med presentasjon av konfirmantane i Herøy kyrkje søndag kl 11.00 (OBS OBS: ikkje 12.00 som det står i vestlandsnytt) Etter gudstenesta vert det kyrkjekaffi med gode kaker som nokre konfirmantforeldre har bakt.

Vi håper på full kyrkje søndag!

Samlingsgudsteneste

Over 100 stk tok vegen til Flåvær denne søndagen, til ei flott samlingsgudsteneste med Jens og Ottar. I etterkant fortalde Petter Torvholm litt om historia kring Flåvær, før det var tid til medbrakt kyrkjekaffi, og omvisning. Tusen takk til Petter Torvhom med familie som lot oss få kome til Flåvær.

Kveldstur Kopperstadfjøra

Vi tok turen til Skorpesundet nokre dager på forskudd og fekk ein flott kveldstur i Kopperstadfjøra med litt klyving rundt Skagen. Vi tek no sommerferie for turane.  God sommar til alle! Minner og om samlingsgudsteneste på Flåvær 23 august. Båtskyss frå Lanterna, påmelding til kyrkjekontoret

Populer storfamiliegudsteneste

          Mange nytta høvet til å starte dagen med ei gudsteneste søndag morgon då statskyrkja og frikyrkja saman organiserte storfamiliegudsteneste på allmenningskaia i Fosnavåg. Saman med jentegruppa Seven vart det ei gudsteneste litt utanom det vanlege.

Gjennom gudstenesta var det både allsong og soloinnslag. Litt spesielt vart det når jentegruppa Seven stilte opp. Jentegruppa Seven er eit gospelkor med 7 jenter som er svært kjende over heile Noreg. Dei sang om det å vere lykkeleg, og om Jesus.

          Svært mange møtte opp og var med i gudstenesta, noko som gleder arrangørane. Når ein veit at folk liker det ein lagar til, kan ein lage det til fleire gongar seier ein representant for frikyrkja.

          Etter  gudstenesta var det servert kyrkjekaffi i festivalteltet. Det vart ei fin stund med mykje prat og god mat.