Tekst: Tone H. Nerland - Foto: Sigbjørn Myren, 13.02.07

Etter eit par månader med hektisk oppussing i kyrkjekjellaren var det fredag klart for opningsfest for Fredagstreffet. Det var mange ungdommar som tok turen til kyrkja denne kvelden, og dei fann seg fort til rette i dei nye lokala.

Omlag 60 ungdommar samla seg då Knut Einar Tokheim hadde ei tankevekkande andakt om alt vi får gratis av Gud, og om ikkje anna sit att av andakta, huskar dei i alle fall at Audun Høydal var den som turte å kome fram for å ta imot 100-kronaren, utan å måtte gjere noko for å få den anna enn å ta imot.

Sjølv om Herøy TenSing var litt amputerte denne kvelden song dei kjempebra for ei lydhøyr forsamling. Og Royal Desire sette steminga for resten av kvelden med sjølvlaga musikk. Ellers var det mange som var innom denne kvelden for å kose seg meg gratis kake, kjøpe pizza eller andre ting i kafeen, eller berre slappe av med nye eller gamle venar.