|
Solosong, duettar og orgel i Herøy kyrkje |
|
|
|
|
Skrive av Terje Tjervåg
|
|
tirsdag 22. april 2008 |
 Song og orgel står på programmet i Herøy kyrkje søndag kveld. Ingrid Remø, fødd i Ulsteinvik, busett i Eiksund, men med sterke røter i Herøy, skal synge.
Ho har sunge i kor sidan ungdomen og har vore kordirigent i ei årrekkje, m.a. i Bigset Blandakor, Damekoret Crescendo, Stemmebandet og Vyrde Mannskor. Den vakre røysta hennar er etterspurd i mange samanhangar i distriktet. Søndag vil ho synge både folkemusikk, Duke Ellington og opera. Ho vil óg synge to songar av Andrew Lloyd Webber som duett saman med dottera Sofie Charlotte Remø: Pie Jesu og Amigos Para Siempre. Også Sofie har sunge sidan ho var lita og ho har vore med i mange kor. Ho bur no i Bergen der ho syng i kor og har ulike oppdrag som songsolist. Akkompagnatør for songarane vert kantor i Herøy, Terje Tjervåg. Han vil og spele eigne avdelingar på orgel der vi får høyre musikk av Bach, Rinck og Reger og ei førsteframføring på orgel.
|
|
Sist oppdatert ( torsdag 24. april 2008 )
|
