Søndag 27. januar vil Herøy kyrkjekor framføre musikalen ”Visst skal våren komme” i Herøy kyrkje.

Denne musikalen som Eyvind Skeie og Sigvald Tveit skreiv på 1980-talet, tek utgangspunkt i tekstar i Johannes openberring i Bibelen. Tekstene vert lesne mellom songane, og songane fortel om håpet om ei anna verd bakom døden. Det vert brukt både sterke og poetiske bilete i songane som er vakre og melodiske. Musikalen er blitt veldig populær, men det er fyrste gong Herøy kyrkjekor framfører heile musikalen på ein konsert.

Som solist på denne konserten har vi fått Birgitte Velsvik, ålesundar med røter i Herøy. Ho studerer song ved konservatoriet i Stavanger og har ei spennvidde frå opera til gospel. Vi gler oss til å høyre henne i Herøy kyrkje. Akkompagnatør på piano blir Ståle Helvig, kantor i Ulstein og tidlegare kantor i Herøy. Opplesar vert Jens Terje Johnsen og musikalsk leiar vert Terje Tjervåg.