Tysdag 24. mai kl. 20.30 inviterer unge vaksne utvalet i Herøy kyrkje til temakveld med kveldsmat. Temaet er “Mamma og pappa skal flytte frå kvarandre, eg er skilt”

Det er kateket Beate Nes som skal dele tankar og erfaringar rundt temaet born/ungdom og samlivsbrot. For nokre år sidan gjorde Beate ein jobb for IKO der ho jobba med denne tematikken ut frå eigne erfaringar og diverse faglitteratur. Dei siste åra har Beate reist litt rundt i landet og hatt foredrag om dette temaet både for konfirmantforeldre og kyrkjeleg tilsette. No er det tid for at også Herøyfolket får høyre det Beate har å fortelje.